طاجين القوق

1 كيلو ديال لحم الغنمي أو ديال لعجل
كيلو ديال القوق

زوج بصلات كبار مشلظين

ربطة ديال القزبور و المعدنوس "مربوطين"

4 ثومات كبار محكوكين

2 معالق ديال الزيت العادية + 2 ديال زيت الزيتون

حامصة مرقدة

الملح + اسكنجبير + الزعفران الحر "إلى كان" + الملون + ضامة ديال البنة

الطريــــــــقة :

هاد الطاجين ديال القوق غادين نوجدوه على طريقة اللحم لمقلي

تنقيو القوق من وراقو و من قلبو و تنغسلوه و تنحكوه بالحامض "باش ما تكحالش"

تنغسلو
لحم و تنديروه فكوكوط و تنضيف عليه البصلة مشلضة و الملح و اسكنجبير و
الزعفران أو الملون و تنخلط كل شي مزيان و تندير الزيت العادية و البلدية
و تنشحر و نقلي كل شي مزيان حتى تتحمر البصلة و تدوب

ندير الما حتى يتغطى اللحم و نحرك كل شي و نسد الكوكوط و نخلي اللحم يطيب مدة نص ساعة حتى لربوع ساعة على حسب اللحم اللي عندنا

باش نعرف لحم واش طاب أو لا لا,تنخشيو راس ديال موس إلى دخل بسهولة فاللحم طاب إلى دخل بصعوبة فاللحم مزال خاص يزيد يطيب

منين
يقرب يطيب اللحم تنضيف ليه القوق و تنزيدو فوق منو الملح و حامضة مرقدة
منقية ومقطعة و شويد ديال زيت الزيتون "إلى بغينا" و تنسدو الكوكوط و
تنخليوه يطيب مدة نص ساعة تقريبا

نين يطيب نعريو عليه الكوكوط و نخليو الطاجين يتقلا حتى تتقال المرقة ديالو و تختر.

بارك الله فيك